Rabba sachya tu te akhya si…. (Faiz Ahmad Faiz) Punjabi Poem

ربّا سچّیا

(فیض احمد فیض)

ربا سچیا توں تے آکھیا سی
جا اوے بندیا جگ دا شاہ اے توں

ساڈیاں نعمتاں تیریاں دولتاں نیں
ساڈا نیب تے عالیجاہ اے توں

ایس لارے تے ٹور کد پچھیا اے
کی ایس نمانے نال بیتیاں نیں

کدی سار وی لئ او رب سائیاں
ترے شاہ نال جگ کی کیتیاں نیں

کتے دھاندلی پولیس سرکار دی اے
کتے دھاندلی مال پٹوار دی اے

ایویں ھڈاں اچ کلپے جان مری
جیویں پھاھی اچ کونج کرلاندی اے

چنگا شاہ بنایا ای رب سائیاں
پوے کھاندیاں وار نہ آندی اے

مینوں شاہی نئیں چائیدی او رب سائیاں
میں تے عزت دی ٹکر منگناں ہاں

مینوں تانگ نیئں محلاں ماڑیاں دی
میں تے جیون دی نکڑ منگناں ھاں

تو میری منے تے تیریاں میں مناں
تیری سوں جے اک وی گل موڑاں

جے اے تانگ نئ پجدی تے رب سائیاں
فیر میں جاواں تے رب کوئ ہور لوڑاں