Tabeeyat in dinon begaana-e-gham hoti jaati hai

Tabeeyat in dinon begaana-e-gham hoti jaati hai
Meray hissay ki goya har khushi kam hoti jaati hai

Wahi hai shahid-o-saaqi, magar dil bujhta jaata hai
Wahi hai shamma lekin roshni kam hoti jaati hai

Qayaamat kya yeh ai husn-e-do aalam hoti jaati hai
Ke mehfil to wahi hai, dil kashi kam hoti jaati hai

Wahi maikhaana-o-sehba, wahi saaGHar wahi seesha
Magar aavaz-e-noshanosh maddham hoti jaati hai

Wahi hai zindagi lekin 'Jigar' yeh haal hai apna
Ke jaise zindagi se zindagi kam hoti jaati hai