Meray Watan kay Udas Logo

مرے  وطن کے اداس لوگو 
نہ خود کو اتنا حقیر سمجھو 
کہ کوئی تم سے حساب مانگے

خواہشوں کی کتاب مانگے 
نہ خود کو اتنا قلیل سمجھو 
کہ کوئی اٹھ کر کہے یہ تم سے

  وفائیں  اپنی ہمیں لٹا دو 
وطن کو اپنے ہمیں تھما دو
اٹھو اور اٹھ کر بتا دو انکو 
کہ ہم ہیں اہل ایمان سارے 
نہ ہم میں کوئی صنم کدہ ہے 
ہمارے دل میں تو اک خدا ہے 

مرے وطن کے اداس لوگو 
جھکے سروں کو اٹھا کر  دکھا دو 
قدم تو آگے بڑھا کر دکھا دو 
ہے اک طاقت تمہارے سر پر 
کرے گی سایہ جو یوں سروں پر 
قدم قدم پر جو ساتھ دے گی 
اگر گرے تو سنبھال لے گی 
مرے وطن کے اداس لوگو 
اٹھو چلو وطن سنبھالو