Ankhon say meri is liay lali nahi jati | wasi shah

آنکھوں سے ميری اس ليے لالی نہيں جاتی

يادوں سے کوئی رات جو خالی نہيں جاتی

اب عمر، نہ موسم، نہ وہ رستے کہ وہ پلٹے

اس دل کی مگر خام خيالی نہيں جاتی

آئے کوئی آ کر يہ ترے درد سنبھالے

ہم سے تو يہ جاگير سنبھالی نہيں جاتی

معلوم ہميں بھی ہيں بہت سے تيرے قصے

ہر بات تيری ہم سے اچھالی نہيں جاتی

ہمراہ تيرے پھول کھلاتی تھی جو دل ميں

اب شام وہی درد سے خالی نہيں جاتی

ہم جان سے جائيں گےتبھی بات بنے گی

تم سے تو کوئی راہ نکالی نہيں جاتی